Хүүхдээ мэдлэг боловсролтой, амжилттай хүн болгохын тулд эцэг эх, асран хамгаалагч, багш нарын хамтын ажиллагаа хамгаас чухал билээ. Үргэлж сурагчдынхаа төлөө хоёргүй сэтгэлээр зүтгэдэг багш хүний нэг өдрийн ажил хөдөлмөртэй танилцах, жаргал зовлонг нь бага ч болов ойлгох, улмаар хамтран ажиллаж, зааж сургах үйлсэд нь эцэг эх, асран хамгаалагчид өөрсдийн биеэр оролцож, дэмжлэг үзүүлэх, ойлголцох зорилгын хүрээнд “Миний амьдралын багш” өдөрлөгийг 10 сарын 2-нд зохион байгуулах гэж байна. Уг өдөрлөгөөр эцэг эх, асран хамгаалагчид маань сургууль болон боловсролын хөтөлбөрт тусгагдсан зарим нэг шинэлэг санаа, өөрийн эзэмшсэн ур чадвараа хүүхдүүдэд сургаж, танин мэдүүлэх хичээл, сургалтыг хичээлийн 2, 3-р цаг дээр явуулах юм.