Эх нутгаа бууриараа тамгалсан гэрт үндэстэн
Эмээл дээр төрж тохом дээр нойрсдог морьтон
Эртний бичиг соёлоос нь гэрэл цацардаг нартан
Элбэг баян үндэснийхээ хувцсаар дэгжирхэн гоёсон
Монгол үндэстэн минь ээ
Цагаагчин туулай жилийн сар шинийн өдрүүдэд Оюунлаг сургуулийн маань багш сурагчид:
Есөн товчтой дээлийн эвхээсийг гарган өмсөөд
Нарны өнгөтэй дурданг зөв эргүүлж бүсэлсэн
Саран хэлбэртэй малгайгаар тэргүүн юугаа гоёод
Цагаагчин туулай жилээ найр тавин угтан золгож байна.
Буян номын гэгээ тооноор тань цацарч
Бурхад инээмсэглэн хаалган дээр тань бууж
Буурал өвгөд халуун ам бүлээрээ цуглан
Бүхнээс элбэг сайхан шинэлэв үү.
Шижир цацрагт нараа дэлхий тойрч нас нэмсний дан баяр
Монгол үндэснийхээ хувцсыг өмсөж бахархан дэгжирхэхийн хос баяр
Шинэхэн цэцэглэх хавартай энх золгохын гурвалсан баяр
Учран золгох хүн бүртэй сэтгэлийн сайхныг хэлэлцэхийн дөрвөн баяр аа.
