Оюунлаг сургуулийн 2023-2024 оны төгсөгчдөөс олон улсын IELTS, TOEFL, SAT шалгалтуудаа амжилтай ѳгч өнөөдрийн байдлаар 31 сурагч АНУ, Австрали, Канад, Франц, Итали, Япон, Солонгос, Герман, Хятад зэрэг 9 улсын нэр хүндтэй их, дээд сургуулиудад тэнцэж, 9 тэрбум төгрөгийн тэтгэлгийг хүртэж сургууль, багш нарынхаа хичээл зүтгэлд урам хайрлаж, дараа үеийн дүү нартаа үлгэр дуурайл болсон, чих мялааж сэтгэл баясгасан сайхан мэдээг хүргэсээр байна.
Шавь нарынхаа хүсэл мөрөөдлийг биелүүлэхэд гол түүчээ нь болсон Оюунлаг сургуулийн дэргэдэх “КАРЬЕР ХӨГЖЛИЙН ТӨВ” болон нийт багш сурган хүмүүжүүлэгч та бүхэндээ баяр хүргэж амжилт хүсье.
Оюунлаг сургуулийнхаа түүхэн амжилтын хуудас бүхнийг бүтээж яваа шавь нартаа амжилтын дээд бүхнийг хүсье.