“Оюунлаг” ерөнхий боловсролын сургуулийн 7а ангийн сурагч С.Эрхэмсайхан 2024.11.16-нд болсон Монгол улсад цуврал болон явагддаг Байт харвааны “Amateur archery” тэмцээний энэ жилийн сүүлийн тэмцээнээс ганцаарчилсан төрөлд Алт, урьдчилсан гараанаас Мөнгөн медаль хүртэж үүгээр ч зогсохгүй Байт харвааны төрлөөр 2024 оны Улсын аварга шалгаруулах тэмцээнээс Хүрэл медаль2024 онд зохиогдсон “Amateur archery” 4 удаагийн цуврал тэмцээнээс 2 алт, 1 мөнгө, 1 хүрэл медаль тус тус хүртсэн амжилтыг үзүүлээд байна.

Мөн Польш улсад зохиогдсон 100 буудалт даамны 2024 оны өсвөрийн дэлхийн аварга шалгаруулах тэмцээний 8 хүртэлх насны хөвгүүдийн ангилалд 2в ангийн сурагч З.Чинтөгс маань амжилттай оролцож, IV байр эзэллээ.

Хятад улсын Hangzhou хотод зохион байгуулагдсан “Grand Slam” таеквондогийн тэмцээнд Чонос клубийн эгч дүү тамирчид болох 5а ангийн сурагч Б.Мишээл, 6г ангийн сурагч Б.Амирлан нар маань амжилт дүүрэн оролцлоо. Тулааны төрөлд Б.Амирлан маань Хүрэл медаль,Пүмсэ буюу тоот дасгалын төрөлд Б.Мишээл маань Мөнгөн медаль хүртлээ. Бахархалт шавь нартаа баяр хүргэж амжилт бүхний дээдийг хүсье!