БЭЛТГЭЛ АНГИЙН СУРГАЛТ ҮРГЭЛЖИЛСЭЭР…

   2017-2018 оны хичээлийн жилд  Нэгдүгээр ангид шинээр элсэн суралцах  4 бүлгийн нийт 128 сурагч Бэлтгэл ангидаа амжилттай суралцаж байна.Бүлэг бүрт үндсэн 1 багш,туслах 1-2 багш нэмэлтээр ажиллаж үндсэн хөтөлбөрт заагдсан мэдлэг чадварыг хүүхэд бүрт олгоход анхаарч ажиллахын зэрэгцээ сургуулийн сурагчийн үүрэг,хариуцлагыг таниулж улмаар найз нөхөд,ах эгч,ахмад хүмүүстэй мэндлэх хүндлэх талархах,биеэ авч явах зэрэг харилцааны чадамжуудыг эзэмшүүлэхэд анхааран ажиллаж байгааг харахад сэтгэлд нэг л дулаан байлаа.

   Бэлтгэл бүлэг нь тусгай хөтөлбөрийн дагуу зохиогдсон Математик,Цагаантолгой,Зураг урлал, Оюуны чадамж хичээлийн сурах бичгүүд,өөрийн сургуулийн дөрвөлжин тууш шугамтай дэвтрүүдийг хүүхэд бүрт өгч сургалтаа явуулж байна.Зургаан настай бяцхан хүүхдүүдийг уншиж бичиж,тоо бодуулж,бичүүлж сургах хамгийн хүнд хүчир хөдөлмөрийг сэтгэлээсээ хийж хамтарч ажиллаж сурсан бага ангийнхаа багш нарын хамт олонд талархал дэвшүүлье.

© 2020 Зохиогчийн эрх хуулиар хамгаалагдсан.