“ИТАЛИЙН ВЕНЕЦ” ХОТОД БОЛОХ ОЛИМПИАДАД ОРОЛЦОХ ЭРХЭЭ АВЛАА.

Дэлхийн 40 гаруй орны сурагчдын дунд зохион байгуулагддаг англи хэлний олон улсын “HIPPO” VII олимпиадад манай сургуулийн сурагчид амжилттай оролцлоо. Тус олимпиадын 1-р шат 2019.02.16-нд болж, тэнцсэн сурагчид 2019.03.16-ны өдөр II шатны олимпиаддаа амжилттай оролцлоо. Уг олимпиадын хоёрын даваанд дэлхийн 3000 гаруй сурагчид оюун ухаан, авхаалж самбаа, хурд хүч, эрдэм мэдлэгээ сорин өрсөлдсөнөөс II-IV  англи хэлний сургалтын “LITTLE HIPPO” төрөлд 3г ангийн сурагч М.Цэлмэг, V ангийн“HIPPO”-1 төрөлд 5в ангийн сурагч Х.Амирлан нар өрнүүн амжилттай оролцож, Италийн Венец хотод болох сүүлийн шатанд оролцох эрхтэй боллоо.

Манай сургуулийн англи хэлний сургалтын чанарын ямар байгааг дэлхийд харуулж чадсан оюунлаг сурагчдадаа болон мэргэжлийн багш нартаа баяр хүргэж, амжилт бүхний дээдийг хүсье.

ЭРДЭМ УХААН ДЭЛГЭРЭХ БОЛТУГАЙ.