“НИЙСЛЭЛИЙН ТЭРГҮҮНИЙ СУРГУУЛЬ” өргөмжлөлөө гардан авлаа.

ОЮУНЛАГ БҮРЭН ДУНД СУРГУУЛЬ 

“НИЙСЛЭЛИЙН ТЭРГҮҮНИЙ СУРГУУЛЬ” 

ӨРГӨМЖЛӨЛӨӨ ГАРДАН АВЛАА.

Монголын багш нарын 47 дахь баярын өдрөөр Улаанбаатар хотын захирагч нийслэлийн засаг дарга Э.БАТ-ҮҮЛ, Иргэдийн хурлын дарга Д.БАТТУЛГА боловсролын газрын дарга зэрэг төр захиргааны удирдах ажилтнууд Нийслэлийн тэргүүний сургууль цэцэрлэг, тэргүүний багш нарт шагнал гардуулах ёслолын ажиллагаа боллоо.


Сурагчдын суралцах, хөгжих таатай орчинг бүрдүүлж сургалтын үр өгөөж төвшин чанарыг дээшлүүлж боловсролын өөрчлөлт шинэчлэлтэй хөл нийлүүлэн амжилттай ажиллаж байгаа гэсэн тодотголтойгоор Оюунлаг дунд сургууль маань “НИЙСЛЭЛИЙН ТЭРГҮҮНИЙ СУРГУУЛЬ” хүндэт өргөмжлөлөө гардан авлаа.

Мөн үүнтэй зэрэгцэн тус сургуулийн захирал Д.Батсайхан дүүргийн ШИЛДЭГ ЗАХИРАЛ, “Нийслэлийн тэргүүний удирдах ажилтан” цол тэмдгээр шагнагдлаа.


               Ингээд тус сургуулийн захирал Д.Батсайханаас ажил үйлс амжилтынх нь талаар сэтгэгдлийг сонсов.
– Тус сургуулийг байгуулснаас хойш 13 дахь жилдээ сургалт хүмүүжлийн ажлыг удирдан явуулж боловсролын хүртээмж чанарыг дээшлүүлэх, харилцаа холбоо технологийн сүүлийн үеийн олотыг сургалтандаа ашиглахад голлон анхаарч ирлээ.
Энэхүү амжилт маань цаг наргүй хөдөлмөрлөн хичээл зүтгэлээ түмний хүүхдийн төлөө  зориулж байдаг багш нарын маань хамт олон, сурч мэдэхийн төлөө тэмүүлж байдаг сурагчдын маань, бидэнд итгэл хүлээлгэн хамтарч ажилладаг эцэг эхчүүдийн хамтын зүтгэлийн үр дүн билээ.
Өнөөдөр монголын багш нарын 47 дахь баярын өдөр болж байна. Хүмүүн бидэнд сайн сайхныг шингээсэн түмэн ачлалт багш та нарын маань өлмий бат оршиж, мэлмий тунгалаг байх болтугай. Сайхан баярлаарай.
Та бүхэнд чин сэтгэлийн талархал илэрхийлье.  

© 2020 Зохиогчийн эрх хуулиар хамгаалагдсан.