Намрын улирлын спортын бага наадам

2015 оны 09 сарын 06-ны өдөр Оюунлаг БДС-ийн спортын бага наадам Үндэсний Цэцэрлэгт Хүрээлэнгийн Хөлбөмбөгийн талбайд амжилттай зохион байгуулагдаж өндөрлөлөө. Энэхүү арга хэмжээг зохион байгуулж явуулахад туслалцаа үзүүлсэн Үндэсний цэцэрлэгт хүрээлэнгийн удирдлагуудад баярлаж талархсанаа нийт багш сурган хүмүүжүүлэгчид, хүүхэд багачуудынхаа нэрийн өмнөөс илэрхийлж байна.

     Уг спортын бага наадмын зорилго нь сурагчдад өв тэгш боловсрол олгох оюун санаа, бие бялдар , харилцаа, хамтран ажиллах чадварыг нь дэмжихэд чиглэсэн хувь хүүхдийн болон олон төрөлт тэмцээнүүдийг зохион байгууллаа.

Энэ удаагийн спортын бага наадам I-II, III-V, VI-VII, IX-XII гэсэн ангиллаар кросс гүйлт, байрнаас уртад харайх, олс таталт, 100м, 50м гүйлт, буухиа гүйлт гэсэн дарааллаар явагдаж, төрөл төрлийн шилдгүүддээ өргөмжлөл, медаль гардуулж өгсөнөөр өндөрлөсөн юм.

Намрын улирлын спортын бага наадмын шилдэг тамирчин сурагчид, анги хамт  олныг та бүхэнд толилуулж байна.