2019 оны 10 сард зохион байгуулагдсан АМО (American Mathematics Olimpiad)-д Сингапур, Малайз, Узбекстан, Монгол, Тайвань, Индонез, Тайланд, Вьетнам, Лоас, Мьянмяр, Камбож, БНХАУ зэрэг 12 улс орны II-IX ангийн математикийг шимтэн сонирхогч хүүхэд багачуудын дунд амжилттай явагдаж өндөрлөлөө.

Дараагийн шатанд энэхүү олимпиадаас медаль хүртсэн сурагчид SIMOS, STEAM, AHEAD (Олон улсын өсвөрийн математикийн олимпиад), IJMO ба SIMOS олимпиадад оролцох эрх нь нээгдэж бусад олон улс орны хүүхэд багачуудтай оюун ухаанаа уралдуулж, ялагчдаа тодруулах болно.

Энэ удаагийн АМО олимпиадад “Оюунлаг” сургуулийн 22 сурагч V-IX ангийн ангилалд англи хэл дээр өгөгдсөн математикийн бодлогуудыг бодож өрсөлдсөнөөс дараах шагналуудыг хүртлээ. Үүнд:

Олон улсын хэмжээнд явагдаж буй математикийн олимпиадад “Оюунлаг” сургуулийнхан хүүхдүүдээ амжилттай оролцуулах ямар бодлого барьж байгаа талаар сурвалжлагч маань сургуулийн захирал Д.Батсайхан ярилцлага өглөө.

Сургуулийн захирал Д.Батсайхан: Математикийн чиглэлээр гарч буй чухал ойлголт мэдлэгийг судлах, асуудлыг шийдвэрлэх арга зүйн чухал ойлголтуудыг таних, математикийн гоо сайхан, сэтгэл ханамжийг сурагчдадаа бий болгох, математикийн өндөр эрэмбийн бүтээлч чавдаруудыг зөн совинг хүүхдүүддээ эзэмшүүлэхэд анхаарч байгаа учраас боловсрол хөгжсөн улс орнуудтай жишиж, алдаа оноогоо харахын тулд бид оролцуулдаг. Ингэснээр бидний сургалтын бодлого, алсын хараатай зөв чиглэлд явж,  арга зүйд багш нар маань суралцаж, хүүхдүүд минь сэтгэл ханамж авч математикийн амт шимтийг мэдрэх болно хэмээн зөвлөж чиглүүлж байна.

Амжилттай оролцож шагнал хүртсэн сурагчдадаа болон шавь нараа амжилттай бэлтгэсэн багш нартаа баяр хүргэе.