“Оюунлаг” сургууль нь энэ хичээлийн жилээс эхлэн  сурагч нэг бүрийнхээ төрөлхийн болон байгалийн үндсэн өгөгдөл, зан араншин, сэтгэлзүйн хэв шинж, харилцааны онцлог ,чадамжуудыг олон улсын түвшинд хүлээн зөвшөөрөгдөж баталгаажсан сорилоор тодорхойлж гэр бүл, сургуулийн харилцааны орчинд зүй зохистойгоор  хэрэглэх боломжийг  нээх зорилгоор “Student research” төслийг эхлүүлээд байгаа билээ. Уг төсөлд I-VIII ангийн сурагчид “Генетик тест”-ийн сорилд, IX-XI ангийн сурагчид “Мэргэжил сонголт сонирхол”-ийн сорилд тус тус хамрагдах юм.

“Оюунлаг” сургуулийн I-VIII ангийн сурагчид “Генетик тест”-ийн сорилд, IX-XI ангийн сурагчид маань “Мэргэжил сонголт сонирхол”-ийн оношилгоондоо бүрэн хамрагдлаа.

“Мэргэжил сонголт сонирхол”-ийн судалгаа нь хүүхдийн танин мэдэхүйн онцлог, мэдлэг эзэмших хандлага өгөгдөл, нийгмийн орчин дахь харилцааны хувийн шинж, мэргэжил сонголтын сонирхол сорил, багшийн зөвлөмж гэсэн 3 үе шаттай явагдлаа.

Хувь хүүхдийн талаарх  байгалийн суурь өгөгдөл сонирхлын талаарх мэдээллийг багш нар маань танин мэдэж сургалт хүмүүжлийн үйл ажиллагаандаа анхаарч ажиллах боломжийг сургууль багш нарт олгоход ач холбогдолтой билээ.