2020-2021 оны хичээлийн жилд ОЮУНЛАГ сургуулийн маань эрдэм номын өглөгийн 9 дэх үеийн төгсөгчид болж байгаа оюунлаг сурагчид та бүхэндээ мөнгөн хонхны баярын мэндийг хүргэе. Түмний хүүхдийн төлөө эрдэм боловсрол олгох үйлсэд авьяас чадвар, ур ухаан бүхий л зүйлээ харамгүй зориулж яваа багш сурган хүмүүжүүлэгчдэдээ, мөн өөрсдийн үр хүүхдийн төлөө цаг үргэлж санаа тавин зүтгэж явдаг энд хүрэлцэн ирсэн эцэг эхчүүд та бүхэндээ ч сурагч насны дурсамжит сайхан мөч болох Мөнгөн хонхны баярын халуун мэндчилгээг хамтатган хүргэе.
Оюунлаг сургуулийг цалгиасан цагаан инээд Ангийн андуудын дурсамж цогцлоосон сүүлчийн хичээл Итгэл сэтгэлийг шингээсэн тэвэр дүүрэн цэцэгс Ачит багш нарын сургамжийн үгэн хэлхээс Дасаж ижилдсэн найзуудын баяр гунигийн санаашрал Жингэнэн дуугарах сүүлчийн хонхон дуун цангинаан 2020-2021 оны хичээлийн жилийн төгсөлтийн “Мөнгөн хонхны баяр” үйл ажиллагаа 2021-06-05-ны өдөр аз жаргал, инээд, баяр хөөр, бахдам амжилтаар дүүрэн болж өнгөрлөө. Баяраа тэмдэглэж буй хүүхдүүддээ баярын мэндчилгээ хүргэхээр Чоно хамтлаг хүрэлцэн ирж, ая дуугаа өргөлөө.
2020-2021 оны хичээлийн жилийн шилдэг төгсөгчөөр:
12а ангийн сурагч Г.Жаргал
12а ангийн сурагч Б.Сарнай
12а ангийн сурагч Ц.Хан-Эрдэнэ
12б ангийн сурагч М.Мөнгөлжин
12б ангийн сурагч С.Хулан
12б ангийн сурагч И.Хэрим нар шалгарлаа
Мөн энэ өдөр 12а ангийн сурагч Б.Тэмүүжин сагсан бөмбөгийн “Спортын мастер” цол тэмдгээр шагнагдаж, баяр дээр баяр нэмлээ.
Цахим сургалтын үед 1-12-р ангийн сурагчдын дунд зарлагдсан “Номын сайн нөхөр” аяны хүрээнд ахлах ангилалд 12б ангийн сурагч М.Мөнгөлжин үеийн нөхдөө манлайлав.
Захирлын мэндчилгээ
Өнөөгийн өнгөнд Оюунлаг сургууль гэх том айлын дэвжиж дээшлэхийн түүхэн гайхалтай хором мөч бүхэнд нэгэн зорилгын төлөө багш шавийн дотно барилдлагад хамтдаа байсан шавь нартаа баярлалаа. Оюунлаг сургуулиар овоглосон хүүхэд бүр сурч мэдэхийн өрнүүн хүсэлтэй, зөв төлөвшил хүмүүжилтэй, хамтран ажиллахын мөн чанарыг таньсан, хийж бүтээх хичээнгүй зан чанараар хөглөгдсөн, хүрсэн амжилтандаа сэтгэл ханах бус улам ахиулах зорилго өвөртөлсөн байгаасай гэж бид бүхэн хүсдэг. Түүний төлөө багш бүхэн хичээсэн, тэрхүү итгэл зүтгэлийг маань та бүхэн биелүүлэхийн төлөө чармайж байсанд баярлалаа. Хэн хичээнгүй зүтгэл гарган хөдөлмөрлөж чадна Ирээдүй таныг алгаа тосон өгөөмөр сэтгэлээр инээмсэглэн угтах учир зүйтэй билээ. Та нар энэхүү итгэл сэтгэлийн галыг улам төгс утга учиртай бадамлан дүрэлзүүлж чадах эрмэлзэл, ур ухааны цараа сайтай хүүхдүүд гэдэгт бид бүрэн итгэж байна. Хүүхдүүдийн минь эрдэм номын алтан шар зам нь өлзийтэй байх болтугай. Оюунлаг мэдлэгийн гэрэлт мөнгөн шувуухай болсон эрхэм шавь нар минь оюуны алтан үүрнээсээ цойлон нисэж, орчлон дэлхийгээр олныг магнайлан дүүлэн хөөрч явахын билэгт ерөөлөөр ирээдүйн амьдралын тань сүүтэй дөрөөг мялаая.
Өнөөгийн өнгөнд Оюунлаг сургууль гэх том айлын дэвжиж дээшлэхийн түүхэн гайхалтай хором мөч бүхэнд нэгэн зорилгын төлөө багш шавийн дотно барилдлагад хамтдаа байсан шавь нартаа баярлалаа. Оюунлаг сургуулиар овоглосон хүүхэд бүр сурч мэдэхийн өрнүүн хүсэлтэй, зөв төлөвшил хүмүүжилтэй, хамтран ажиллахын мөн чанарыг таньсан, хийж бүтээх хичээнгүй зан чанараар хөглөгдсөн, хүрсэн амжилтандаа сэтгэл ханах бус улам ахиулах зорилго өвөртөлсөн байгаасай гэж бид бүхэн хүсдэг. Түүний төлөө багш бүхэн хичээсэн, тэрхүү итгэл зүтгэлийг маань та бүхэн биелүүлэхийн төлөө чармайж байсанд баярлалаа. Хэн хичээнгүй зүтгэл гарган хөдөлмөрлөж чадна Ирээдүй таныг алгаа тосон өгөөмөр сэтгэлээр инээмсэглэн угтах учир зүйтэй билээ. Та нар энэхүү итгэл сэтгэлийн галыг улам төгс утга учиртай бадамлан дүрэлзүүлж чадах эрмэлзэл, ур ухааны цараа сайтай хүүхдүүд гэдэгт бид бүрэн итгэж байна. Хүүхдүүдийн минь эрдэм номын алтан шар зам нь өлзийтэй байх болтугай. Оюунлаг мэдлэгийн гэрэлт мөнгөн шувуухай болсон эрхэм шавь нар минь оюуны алтан үүрнээсээ цойлон нисэж, орчлон дэлхийгээр олныг магнайлан дүүлэн хөөрч явахын билэгт ерөөлөөр ирээдүйн амьдралын тань сүүтэй дөрөөг мялаая.
