Номын анд сурагч

Ном уншсанаар амьдралыг таних үүд нээгдэнэ.

Ном их уншвал хорвоог ухаарах билиг оюун нэмэгдэнэ.

Ном уншсанаар ХҮН та өөрийгөө өөрчлөх зам мөр нь гэгээрнэ.

Үгийн баялагтай болж, хэл яриа цэгцтэй, үгийн сонголт нэмэгдэж, санаа бодлоо бичгээр буулгаж, найруулан бичих чадвартай болно.

· Хэдий чинээ ном их уншвал мэдлэгтэй болж төдий чинээ аливаа зүйлийг задлан шинжлэх, үнэлэн дүгнэх чадвар нэмэгдэж бодит байдлыг тодорхойлох, бусадтай харьцуулах чадвартай болно.

· Ном уншсанаар тогтвортой сууж суралцаж суух ба унших хурд нэмэгдэж, ой тогтоолт өдөр ирэх бүр сайжирна.

· Ном их унших тусам ярих чадвар сайжирч, мэдлэг, мэдээлэл бодит нотолгоо, баримт , судалгааны эх үүсвэрийг олж авна.

· Ном уншихад шинэ санаа төрж шинэчлэл өөрчлөлтийг хийх олон санааг олж авна. Мөн хамт олон орчиндоо хэрэгтэй зүйлийг эхлүүлэх, турших нийтэд түгээн дэлгэрүүлэх сайхан боломжыг олж хардаг болно.

Хүүхдүүд та нар ном их уншиж эдгээр үр дүнд хүрсэнээрээ номын анд аяны:

· Уран уншигч

· шилдэг найруулан бичигч

· шилдэг илтгэгч

· шилдэг мэдээлэл боловсруулагч

· шилдэг номын сантай сурагч

гэсэн төрлүүдэд шалгарч "Номын анд" тэмдэгээр шагнагдаж байгаа билээ.

Хүүхдүүд та нар маань Номын анд хэмээх хүндтэй шагналыг гардан авсанаар анги хамт олныхоо дунд ном их уншдаг, ухаалаг, бусдыг сонсдог, хүндэлдэг нэгэн гэдгээ харуулж найз нөхөд багш нартаа хүндлэгдэж байгаад баяр хүргэе!